Muschelschubser Radtuur an't 15. September 2018

Unse Radtuur in 2018 föhrte över de Südosten Berlins ruut in't brannenborgsch - ton "Groß Schauener See". Dat gung los an't Bohnhoff van Königs Wusterhausen üm 11:11. De "Reiseleitung" har ditmaal Evelyn. Se hett

sück aver twee Inheimischen mitbröcht. Dat was nur rein wegen de "Verstärkung" aver de kunnen ok en beten wat to de Gegend vertellen. 

 

Langs van een smucke Wohngegend un de Anfang van't Tiergorden (Hier de van Friedrich Wilhelm I., de Suldotenkönig) mit ole, hoge Böm, kwammen wi na "Neue Mühle", wat dör sein veele Tiefs un Brüggen as "Klein Venedig" utsehn deiht. Dat is een Overbliebsel van de afboon van't Ton för de Tegel. Över de Slüüs henweg, jümmers inne Neechde van't Water, rackten wi Zernsdorf. Veele schööne Villengrundstücke gifft dat dor. Dann gung dat wieder, över de ole Dörpkarn henweg und dann vör de Bahnövergang rechts off. Dor kann man op een Brügg op de Krüpelsee kieken. Op beede Siet van de Brügg hett man een wunnerbaaren Utkiek op de See. Wi juckelten wedder wieder över't Land un rackten Kablow un achteran dör't Holt gung dat na Bindow.

 

Dann was dat Tied för de ierste Verschnuu'ben. An een sünnigen Fleck schnabuleerte elk dat, watt he oder se mitbröcht hett. Werner hett dann egenhandig för us all Bröötjes mit egenmaakt Marmelaad schmeert. Doför mussen wi aver all Werner us Geschicht vertellen, wie wi to't Radführn kamen sünd un watt wi dorbi wetensweertes beleevt hebben.

 

Daarna sünd wi wiederföört dör Holt op een gauden Radfohrpad na Bindow -Süd un van dor wieder na Dolgenbrodt. In Dolgenbrodt is een wunnerscheun Restaurant direktemang an't Water. De Versöökung was bannich groot dor maal intokehren aver wi weern deegt un sünd dor vörbiföört. Över en beten "verschlungene" Wege an Peerkoppeln vörbi rakten wi een scheune Footgänger- und Radfohrerbrügg. Op disse Brügg geef dat een wunnerschoen Utkiek un de Blick op de nächste Kroog mit Goarn direktemang an't Water. Ok hier föört wi vörbi in Richt Prieros dat ok an't Water liggt. Een lütte Runn över de Dörpbrink to't Kaark, de aver leider ofsloten was, gung dat to'm Heimootmuseum, een  scheune Huus mit Reetdack.

 

Na öberleidigen Sööken hebb wi de rechte "Instieg" to de Tuur na Kolberg funnen. . Wedder vörbi an een groode Peerhoff mit Peerkoppeln un veele Peer. Wedder op de Tuur, passerten wi een Straat mit veele Appelboomen. Notürlich hebben wi de Appels toeerst eenmal probeert un elk hett sück sien Taschen vullstuken. An't Enn van de Dörp sind wi dann tüschen scheune Böm bardup fohren. Nodeem wi disse Holt verlaaten harren, kemen wi in een open Landskupp - mit veel Wietkiek.

 

Wi passerten Göhrsdorf mit sien Dörpkark. un rackten över een Redder na Groß Schauen to de Fischeree Köllnitz mit Eetenshuus un Verkoop. Us Lohn was een langere Paus mit een lecker "Fischbrötchen" . De Fischeree liggt direktemang an't Groß Schauener See.

 

De Trüchweg föhrt us langs van Landstraat un van Feller na Storkow. Över een Atraat mit Koppsteenplaster rackten wi de Bohnhoff. Bold satten wi dann in de körte un kommode Toch. Na 25 Minuten rackten wi wedder Königs Wusterhausen.